Հրատապ

Vartevar Antossian Lebanon Լիբանան - 1976

Կիրակի 7 Ապրիլ 2024ին, Քուէյթի Ազգային Վարժարանի սրահէն ներս, տեղի ունեցաւ Դոկտ․ Ճէպէճեանի գրական վաստակին պատկանող «Հայկական Ազգագրական Պատկերներ՝ Տեսիլք, Կամք Եւ Յոյս» գիրքի շնորհահանդէս-գինեձօնը։ Քուէյթի Ազգային Վարժարանի հայրենաւանդ ուսուցիչ` Պրն. Ճորճ Արապաթլեան, որ հետաքրքիր շրջագայութիւն մը կատարելով գիրքի ծալքերէն ներս, հաճելի ներկայացում մը կատարեց։ Ան Իր նախաբանին մէջ յիշեց` Խաչատուր Աբովեանի գեղեցիկ խօսքը, որ կ'ըսէ.- 《Մէկ ազգի միացնողը, իրարու կապողը լեզուն եւ հաւատքն են...》ապա շարունակեց ըսելով, որ Դոկտ. Ճէպէճեան Աբովեանի սրբութիւններուն վրայ կ'աւելցնէ նաեւ Մշակոյթը, զայն անուանելով` Փափուկ զէնք, որու շնորհիւ յաջողած ենք մեր ինքնութիւնը պահել, կեանքի փոթորիկներուն դիմաց, միշտ Հայրենիքը դասելով ամէն ինչէ վեր։ Տիկին Դալար Գալէմքեարեան-Տաղլեան, գեղեցիկ կերպով ներկայացուց գիրքի գեղարուեստական արժէքը։ Ան բարձրաձայնելով ըսաւ, որ սոյն գրքի իւրաքանչիւր յօդուածին մէջ, ի յայտ կու գայ, Դոկտ. Հրայրի Հայու հոգին, պինդ ու անխախտ հաւատքը, որ ուխտած է գործել բարին, ու համատարած դարձնել զայն։ Դոկտ. Հրայր ընդելուզուած է քրիստոնէական հաւատքով, լաւատեսութեամբ, մարդասիրութեամբ եւ յատկապէս հայրենասիրութեամբ, որ ակնյայտօրէն արտացոլած են իր գրութիւններուն մէջ։ Տիկին Դալար միաձուլուելով իւրաքանչիւր յօդուածի մէջ շեշտուած գաղափարին ու խորհուրդին հաստատեց, որ այս գիրքը արխիւային մեծ հարստութիւն մը ու Զարթօնքի կանչ մըն է` վերանայելու կեանքի հասկացողութեան, համամարդկային ու հայկական արժէքներուն ու փիլիսոփայութեան, հաւատքին, ազգին ու հայրենիքին։ ՔԱՎ-ի Տնօրէն՝ հասարակական գործիչ եւ մտաւորական Տոքթ․ Ներսէս Սարգիսեան, քննական վերլուծական դիտանկիւնէն ներկայացուց գիրքը։ Ան գլխաւոր երեք ենթավերնագրերու բաժնած էր սոյն հատորը, պարզաբանելու համար թէ հաւաքական մեր կեանքի այս ծանր օրերուն, ի՞նչ ունի ըսելիք դոկտ. Հրայր Ճէպէճեան հայ ընթերցողին: Այսպէս.- Ա․-)Հայկական Սփիւռքը, իր բազմադիմի էութեամբ, հոգեմտաւոր բարդ կազմուածքային շերտերով, գաղութները կազմող հայերու առանձնայատկութիւններով, նմանութիւններով եւ տարբերութիւններով, ինչպէս նաեւ հաւաքական ինքնութեան խնդիրներով: Բ․-)Գրքին մէջ տիրական ներկայութիւն է՝ Ճէպէճեան ընտանիքը իր հարուստ աւանդով եւ երեւելի ու պատուաբեր անձնաւորութիւններով, որոնց մասին կþարժէ յատուկ գիրքի մը հրատարակութեան ձեռնարկել, աւելցուց Տոքթ․ Սարգիսեան։ Գ․-)Քրիստոնէական հոգեւոր թեման զգալիօրէն ներկայ է: Ճէպէճեանին համար Աստուածաշունչը հաւաքականութեան գիրքն է։ Ան իր ներգործութիւնը ունի կեանքի բոլոր երեսներուն վրայ: ՔԱՎ-ի Փոխ Տնօրէն` Պրն․ Կարօ Արսլանեանին։ Ան բերկրալի ոճով մը սկսաւ իր խօսքը, ըսելով «Գիրքի մը հրատարակութիւնն ու անոր նուիրուած շնորհահանդէսը, «ծնունդի, ապա մկրտութեան» ուրախ ու շնորհալի առիթներ են: Մեր տրամադրութեան տակ դրուած այս նորածին հատորի հեղինակը, մարդկային տեսակի առումով տիպարն է բարձրագոյն արժէքներ կրող մերօրեայ մարդուն, որուն բացակայութիւնը մեր կեանքի մէջ շատ յաճախ զգալի է»: Աւելցնելով Պրն․ Արսլանեան ըսաւ.- «Սոյն հատորը ընթերցելէ ու քննելէ ետք, անոր բովանդակութիւնը կարելի է ամփոփել երեք գլխաւոր միտքերու մէջ.- 1. Հաւատացեալ հայուն դարաւոր տեսիլքը վառ է ու կը մնայ միշտ վառ, մինչեւ այն ատեն, երբ աշխարհացրիւ հայութեան հոգիներուն մէջ առկայծ է նախահօր Հայկի կտակած ազատատենչ հայու կերպարը, այն կերպարը որ այսօրուան նիւթապաշտ աշխարհի ցուրտէն պատսպարուելու համար գիտէ ջերմանալ՝ իր խորքը ճարճատող հաւատքի հուրով, եւ անոր լոյսով նաեւ գտնել ճշմարտութեան արդար ուղին: 2. Արարող ու զարգացող հայուն կամքը, որ անկոտրում է եւ ծլարձակող: Կամք, որ ստացած է իր ամրութիւնը պապենական հողի ժայռերէն, սիգապանծ լեռներու վրայ ծնունդ առած իր նախնիներու պատգամը միշտ թելադրած է զինք ըլլալ խիզախ, որովհետեւ կեանք կը նշանակէ ապրիլ, իսկ ապրիլը՝ յարատեւ պայքար ու յառաջխաղացք: 3. Վերջապէս, յոյսը ամօթով չի ձգեր։ Այն յոյսը, որ անձրեւոտ աչքերու սրբիչն է, ցաւոտ հոգիներու բալասանն է: Այն սրբազան յոյսը, որ մեր ազգի պարտութիւնները դէպի կատարեալ յաղթանակներու առաջնորդողն է»: քուէյթահայ հանրայայտ սիրուած ասմունքող՝ Տիկին Նարինէ Գոնճայեան-Արապաթլեան հմայիչ կերպով ընթերցեց «Եթէ կ'ուզես, կ'ըլլայ» յօդուածը, որ եկաւ երաշխաորելու բոլոր զեկուցաբերներու բանաւոր վկայութիւնները։ Օրուան յայտագիրին իր ոգեւորիչ մասնակցութիւնը բերաւ, ՀՀ մեծարգո՛յ Դեսպան, Տիար Սարմէն Պաղտասարեան, որ իր կարգին, ամփոփ գիծերու մէջ ներկայացուց գիրքի բովանդակութիւնը, շնորհաւորեց անոր շունչ տուող հեղինակը, մաղթելով բեղմնաւոր ճանապարհ, գիրի ու գրականութեան ոլորտէն ներս։ Վերջապէս, կարելի չէր յայտագիրը աւարտել, առանց Տէր եւ Տիկին Դոկտ․ Հրայր եւ Արտա Ճէպէճեաններու երախտիքի խօսքերուն։ Անոնք սրտի անհուն հրճուանքով, ողջունեցին ձեռնարկը հովանաւոր եւ կազմակերպող կողմերը, անհատ առ անհատ, իրենց ուրախութիւնը, սէրն ու կապուածութիւնը յայտնեցին Քուէյթահայ համայքին, խոստանալով մնալ հաւատաւոր հետեւորդները մեր նախահայրերուն, որոնք ընկրկում չճանչցան եւ հայու անխախտ հաւատքով ու կամքով շարունակեցին իրենց վստահուած առաքելութիւնը, հարկ եղած պահուն նոյնիսկ իրենց կեանքերը նուիրաբերեցին, մեզի նոր արշալոյսներ պարգեւելով։ Գրական երեկոներու ծարաւը հագեցնող, այս հոգեպարար հանդիսութեան եզրափակիչ խօսքը արտասանեց՝ Գերպ․ Հայր սուրբը։ https://www.facebook.com/photo?fbid=10225791716241920&set=pcb.25572084609072087

«Հայկական Ազգագրական Պատկերներ՝ Տեսլիլք, կամք եւ Յոյս» խորագրով այս գիրքը կը բաղկանայ 400 էջերէ, մեկենասութեամբ Սիտնի, Աւստրալիոյ մէջ հաստատուած՝ Տօքթ եւ Տիկին Յարութիւն եւ Մարօ Ճէպէճեաններու։ Խորհրդածելով գիրքին խորագիրին մասին, Պասմաճեան ըսաւ. «Առաջին երեք մեծատառ բառերը գիրքին խորագիրը կը կազմեն «Հայկական Ազգագրական Պատկերներ»: Յաջորդ փոքրահասակ բայց գլխատառ բառերը՝ «Տեսիլք, Կամք եւ Յոյս» Հրայր Ճէպէճեանէն հզօր պատգամ են Հայ ժողովուրդին ընդհանրապէս, սփիւռքահայուն՝ մասնաւորապէս: Տեսի՛լք պէտք է ունենաս, կա՛մք եւ յոյս, ո՛վ սփիւռքահայ, եւ պիտի վերազարթնի՛ս»: Պասմաճեան «Առաքինութիւններու ջատագովութեան ծաղկեփունջ» որակեց գիրքը: Հրայր Ճէպէճեան սքանչացողն է առաքինութեանց: Օրինակ տուաւ ԱՄԷ-ի մէջ «Հանդուրժողութեան Նախարարութիւն»ը եւ վեր առաւ Հրայրի հանդուրժողութեան փիլիսոփայութիւնը. « Հրայր հանդուրժողութեան բացակայութեան մէջ աղէտ կը տեսնէ, ըլլայ մշակութային, ըլլայ ֆիզիքական: Զայն կը նկատէ խաղաղութեան գործնականացման ամենէն կարեւոր ազդակը»: Պասմաճեան գիրքը որակեց «մշակոյթի ճամբով հայապահպանման ճամբու քարտէս» եւ մէջբերեց Փրոֆ Սուրէն Դանիէլեանի վկայութիւնը, որուն բնութագրումով՝ «... լեզուն, հայրենիքը, կրօնը, աւանդութիւնները, պահանջատիրութիւնը մէկ ազգի պատկանելիութեան ամուր յենարաններն են: Առաջնային դիտելով «ամբողջական մշակոյթ» պահանջը՝ Հրայր Ճէպէճեան կը յայտարարէ, թէ մեր մեծ պարտականութիւնը այսօր՝ Սփիւռքի մէջ մեր մշակոյթի պաշտպանութի՛ւնն է: Ուստի անհրաժեշտը՝ աւանդական կառոյցներու կողքին մեր մտածելակերպն ու գործելակերպերը վերակազմակերպե՛լն է»: Այստեղ կը մէջբերեմ ՀԲԸՄի «Միութիւն» պարբերաթերթի պատասխանատու խմբագիր՝Պրն Սարգիս Մանուկեանի: Տէր եւ Տիկին Դոկտ. Հրայր և Դոկտ. Արտա Ճէպէճեան մեր մէջ Ինչպէս յայտնի է Սիտնի կը գտնուէր Դոկտ. Հրայր Ճէպէճեան իր Կնոջ: Դոկտ. Արտա Ճէպէճեանի հետ իր Գիրքի՝Հայկական Ազգագրական պատկերներ՝Տեսիլք,Կամք,և Յոյս շնորհահանդէսին համար, թեմիս բարեխնամ առաջնորդ Գերշ. Տէր Հայկազուն Արք. Նաճարեանի հովանաւորութեամբ: Շնորահահանդէսը տեղի ունեցաւ Ուրբաթ 6 Սեպտեմբերին Առաջնորդարանի Էտկարեան սրահին մէջ , որուն մասին արդէն անդրադարձանք: Յիշեցնենք որ գիրքի խմբագրականը, ինչպէս անցեալին կատարած է Տիկինը՝ Դոկտ. Արտա Ճէպէճեան , որ ծանօթ է որպէս ընկերալեզուաբան: Դոկտ. Տէր եւ Տիկին Ճէպէճեանները մասնաւոր հիւրերն էին Դոկտ. Յարութիւն եւ Տիկին Մարօ Ճէպէճեաններուն: Իրենց կեցութեան ընթացքին Հիւրերը առիթ ունեցան երկուշաpթի 2 Սեպտեմբերին այցելելու Աւստրալահայ գաղութի վարժարանները ընկերակցութեամբ վերապատուելի Գրիգոր Եումուշագեանի, եւ իրենց արտայայտութեամբ եւ վկայութեամբ տպաւորուած մնացած են ամէն ինչով: Դոկտ. Հրայր Ճէպէճեան , որպէս գրող ծանօթ է Աւստրալահայ ընթերցասէր հասարակութեան ՀԲԸՄ.ի ՝՝Միութիւն՝՝ ամսաթերթին միջոցաւ , որուն յօդուածները յաճախ հրատարակուած են ամսաթերթին մէջ: Շաբաթ 7 Սեպտեմբերին, մանաւոր հիւրասիրութեամբ, ի պատիւ հիւրերուն Դոկտ. Յ.Ճէպէճեան և Տիկինը՝ Մարօն իրենց ընտանեկան յարկէն ներս հրաւիրած էին խնամիներ, բարեկամներ, ազգայիններ սրբազան հօր գլխաւորութեամբ Ճոխ սեղանի շուրջ: Մթնոլորտը ջերմ էր եւ հայկական , շատ հաւանաբար դիտողին համար կու տար տպաւորութիւնը որ այս ամէնը տեղի կ՛ունենար Թումանեական ընկուզենու տակ, որպէս Հին Օրհնութիւն « Ապրէ՛ք երեխէք , բայց ապրեցէ՛ք Տեսիլքով,Կամքով և Յոյսով» այնպէս ինչպէս պատգամը Դոկտ. Հրայր Ճէպէճեանի: Ընկուզենու ծառ չկար , բայց տան շուրջը լեցուն էր կանաչ եւ վիթխարի ծառերով: Հանդիպումը լաւ առիթ էր նաեւ , որ բարի ճանապարհ մաղթէին սրբազան հօր , որ յաջորդ օրը կիրակի երեկոյեան կը մեկնէր Հայաստան: Երեկոյեան ՀԲԸՄ.ի եւ Թէքէեան մշակութային վարչութեանց հրաւէրով, աւելի սահմանափակ հրաւիրեալներով Նորթ Սիտնի Leagues Club-ի մէջ պատուուեցան Դոկտ. Հրայր եւ Դոկտ. Արտա Ճէպէճեանները , բարի ճանապարհի եւ յաջողութեան լաւագոյն մաղթանքներով: Այս այցելութեան ընթացքին կարծեմ, որպէս գաղութ աւելի լաւ ճանչցանք Դոկտ. Հրայրը եւ մանաւանդ իր Տիկինը՝ Դոկտ Արտա Ճէպէճեանը: Մեր լաւագոյն մաղթանքները Ճէպէճեան ամոլին եւ զիրենք կրկին տեսնելու փափաքով: Բարի ճանապարհ, որոնք դարձեալ Կիրակի երեկոյան կը վերդառնային տուն եւ գործի:

Դոկտ. Հրայր Ճէպէճեանի «Հայկական ազգագրական պատկերներ՝ տեսիլք, կամք եւ յոյս» գիրքին շնորհանդէս-ներկայացումը՝ Թորոնթոյի մէջ: Հինգշաբթի, 10 հոկտեմբեր 2024-ին, Թորոնթոյի Հայ Աւետարանական եկեղեցւոյ սրահին մէջ, կազմակերպութեամբ՝ Գանատայի հայ աւետարանչական ընեկերակցութեան, տեղի ունեցաւ դոկտ. Հրայր Ճէպէճեանի «Հայկական ազգագրական պատկերներ՝ տեսիլք, կամք եւ յոյս» գիրքին շնորհանդէս-ներկայացումը: Համադրումը եւ խմբագրումը դոկտ. Արտա (Պոյնէրեան) Ճէպէճեանի ստորագրութիւնը կրող եւ Համազգայինի «Վահէ Սէթեան» հրատարակչատունէն լոյս տեսած գիրքին շնորհանդէսը կը վայելէր ներկայութիւնը՝ հոգեւոր հայրերու, հայր Եղիա ծվ Քիրէճեանի, տէր Հայկ քհն․ Շահինեանի, պատուելիներ Արա Պալըգճեանի եւ Զօհրապ Սարգիսեանի, հայկական վարժարաններու եւ կազմակերպութիւններու ներկայացուցիչներու, յարգարժան հիւրերու եւ ընթերցասէր թորոնթոհայութեան։ Բացման խօսքով հանդէս եկաւ Միհրան Ճիզմէճեան եւ, Գանատայի հայ աւետարանչական ընկերակցութեան խնամակալութեան անունով, բարի գալուստ մաղթեց ներկաներուն եւ հեղինակին, ապա՝ երրորդ գիրքին հրատարակման բերկրալի առիթով շնորհաւորեց դոկտ. Հրայր Ճէպէճեանը եւ օրհնաբեր շնորհանդէս մը ունենալու մաղթանքը փոխանցեց բոլորին։ Գլխաւոր բանախօս տոքթ․ Անի Հասըրճեան կատարեց գիրքին բովանդակ ներկայացում-վերլուծումը, որուն ընթացքին պարբերաբար ներկայացուեցան հեղինակին կենսագրականը, ընթերցումներ՝ գիրքի յօդուածներէն, ասմունք եւ երաժշտական գեղարուեստական կատարումներ։ Տոքթ․ Անի Հասըրճեան իր խօսքը սկսաւ փառք տալով Աստուծոյ այն անհուն բարիքներուն համար, որոնք մենք կը վայելենք ամէն օր։ Բանախօսը շնորհակալութիւն յայտնեց հասարակական գործիչ եւ մտաւորական, վաղեմի բարեկամ դոկտ. Հրայր Ճէպէճեանին՝ գիրքին ներկայացումը իրեն վստահելուն համար։ Գիրքը ներկայացնելով, բանախօսը ըսաւ․ «2018-2022 թուականները հեղինակին կողմէ գրուած մօտ 80 յօդուածներու հաւաքածոն՝ ժամանակագրական հերթականութեամբ խտացած է գիրքին 395 էջերուն մէջ։ Յօդուածները նախապէս լոյս տեսած են հայկական լրատուական պարբերաթերթերու մէջ՝ Լիբանանի եւ սփիւռքի տարածքին։ Մաքրամաքուր արեւմտահայերէնով եւ հաճելի ոճով Ճէպէճեան կ'անդրադառնայ դրական դէպքերու, նաեւ՝ այժմէական զանազան իրադարձութիւններու։ Նիւթերը ընդհանրապէս հայկական ազգային, մշակութային, ընկերային, քաղաքական եւ տնտեսական մարտահրաւէրներու մասին են, զորս հայերը կը դիմագրաւեն իրենց առօրեայ կեանքի ընթացքին, Հայաստանի կամ սփիւռքի մէջ։ Հեղինակը աշխարհի զանազան անկիւններու մէջ նկատած «պատկերներ»-ուն ընդմէջէն ո՛չ միայն կ'անդրադառնայ հայկական սփիւռքի համայնքային կեանքին, այլեւ կը շեշտէ հայ ժողովուրդի հայապահպանման դժուարին մարտահրաւէրը՝ մշակոյթի, հաւատքի եւ հայկական ինքնութեան պահպանման պայքարին մէջ, մասնաւորաբար հայրենիքէն դուրս»։ Բանախօս տոքթ. Անի Հասըրճեան, որպէս եզրակացութիւն անդրադարձաւ երեք կարեւոր իրողութիւններու, որոնք «Հայկական ազգագրական պատկերներու» միջոցով դոկտ. Հրայր Ճէպէճեան կը փոխանցէ մեզի․ 1. ՏԵՍԻԼՔ․ դարերէ ի վեր հայ քրիստոնեայ անհատը տեսիլքը ունեցած է եւ կը շարունակէ ունենալ՝ կառչելով իր նախահայրերու հաւատքին։ 2. ԿԱՄՔ․ մեր նախահայրերէն մեզի ժառանգ մնացած է անոնց աննկուն կամքը, երբեք չթուլնալու, այլ՝ քաջաբար ու խիզախութեամբ դիմադրել դժուարութիւնները։ 3. ՅՈՅՍ․ յոյսը ամօթով չի՛ ձգեր, եւ մենք որպէս քրիստոնեաներ պէտք ունինք այն յոյսին որ Աստուածաշունչէն կու գայ։ «Դոկտ. Հրայր Ճէպէճեան իր գիրքի միջոցով հայ ժողովուրդի զաւակներուն մեծ պատգամ մը կը փոխանցէ՝ զգաստութեամբ պահելու հայկական աւանդական փայլուն տեսիլքը, նախահայրերու հաստատակամ աննահանջ կամքը եւ քրիստոնէական հաւատքի անմառ յոյսը», իր խօսքը եզրափակեց տոքթ․ Հասըրճեան։ Մակար Երկմալեանի «Հայր մեր»-ով եւ օրհնութեան աղօթքով աւարտին հասաւ ձեռնարկը, ապա՝ բոլոր ներկաները ուղղուեցան վեր. «Մովսէս Ճանպազեան» սրահ, ուր տեղի ունեցաւ գիրքերու մակագրում եւ հեղինակին հետ հարցազրոյց, զոր վարեց Տիրուկ Մարգարեան Կարապետեան։ Սրահին մէջ ներկաները ճաշակեցին ճոխ հիւրասիրութիւն մը՝ յանձնախումբին եւ եկեղեցւոյ տիկնանց ձեռամբ պատրաստուած եւ «Էլնեժմէ» վաճառատան տիրոջ՝ Յարութ Սիփանի նուիրատուութեամբ։ Torontohye/Թորոնթոհայ պարբերաթերթ

«Հայկական Ազգագրական Պատկերներ՝ Տեսլիլք, կամք եւ Յոյս» խորագրով այս գիրքը կը բաղկանայ 400 էջերէ, մեկենասութեամբ Սիտնի, Աւստրալիոյ մէջ հաստատուած՝ Տօքթ եւ Տիկին Յարութիւն եւ Մարօ Ճէպէճեաններու։ Խորհրդածելով գիրքին խորագիրին մասին, Պասմաճեան ըսաւ. «Առաջին երեք մեծատառ բառերը գիրքին խորագիրը կը կազմեն «Հայկական Ազգագրական Պատկերներ»: Յաջորդ փոքրահասակ բայց գլխատառ բառերը՝ «Տեսիլք, Կամք եւ Յոյս» Հրայր Ճէպէճեանէն հզօր պատգամ են Հայ ժողովուրդին ընդհանրապէս, սփիւռքահայուն՝ մասնաւորապէս: Տեսի՛լք պէտք է ունենաս, կա՛մք եւ յոյս, ո՛վ սփիւռքահայ, եւ պիտի վերազարթնի՛ս»: Պասմաճեան «Առաքինութիւններու ջատագովութեան ծաղկեփունջ» որակեց գիրքը: Հրայր Ճէպէճեան սքանչացողն է առաքինութեանց: Օրինակ տուաւ ԱՄԷ-ի մէջ «Հանդուրժողութեան Նախարարութիւն»ը եւ վեր առաւ Հրայրի հանդուրժողութեան փիլիսոփայութիւնը. « Հրայր հանդուրժողութեան բացակայութեան մէջ աղէտ կը տեսնէ, ըլլայ մշակութային, ըլլայ ֆիզիքական: Զայն կը նկատէ խաղաղութեան գործնականացման ամենէն կարեւոր ազդակը»: Պասմաճեան գիրքը որակեց «մշակոյթի ճամբով հայապահպանման ճամբու քարտէս» եւ մէջբերեց Փրոֆ Սուրէն Դանիէլեանի վկայութիւնը, որուն բնութագրումով՝ «... լեզուն, հայրենիքը, կրօնը, աւանդութիւնները, պահանջատիրութիւնը մէկ ազգի պատկանելիութեան ամուր յենարաններն են: Առաջնային դիտելով «ամբողջական մշակոյթ» պահանջը՝ Հրայր Ճէպէճեան կը յայտարարէ, թէ մեր մեծ պարտականութիւնը այսօր՝ Սփիւռքի մէջ մեր մշակոյթի պաշտպանութի՛ւնն է: Ուստի անհրաժեշտը՝ աւանդական կառոյցներու կողքին մեր մտածելակերպն ու գործելակերպերը վերակազմակերպե՛լն է»:

Պոլիս Սուրբ Գրոց Ընկերութեան Ծոցի Երկիրներու Ընդհանուր Քարտուղար Տքթ. Հրայր Ճէպէճեանի կողմէ գրի առնուած «Հայկական Ազգագրական Պատկերներ՝ Տեսիլք, Կամք Եւ Յոյս» գիրքին Իսթանպուլի շնորհանդէսը, հովանաւորութեամբ ու օրհնութեամբ Ն.Ա.Տ. Սահակ Բ. Պատրիարք Հօր տեղի ունեցաւ 23 Նոյեմբեր 2024, Շաբաթ, ժամը 19.30-ին, Պէյօղլուի Ս. Երրորդութիւն եկեղեցւոյ «Նարեկեան» սրահին մէջ։ Հանդիսութեան մասնակցելու համար քաղաքս ժամանած էր գրքի հեղինակը Տքթ. Հրայր Ճէպէճեան։ Պատրիարք Հօր նախագահութեամբ կատարուած հանդիսութեան մասնակցեցան Կրետէի Հայոց Տեսուչ Գերշ. Տ. Եզնիկ Արքեպս. Պետրոսեան, Պէյօղլուի Ս. Եկեղեցեաց Քարոզիչ Հոգշ. Տ. Յարութիւն Վրդ. Տամատեան, Հոգշ. Տ. Շնորհք Աբղ. Տօնիկեան, ինչպէս նաեւ Հայ Կաթողիկէ Համայնքի Առաջնորդ Տ. Վարդան Ծ. Վրդ. Գազանճեան եւ Կէտիկփաշայի Հայ Աւետարանական եկեղեցւոյ երէց՝ Վեր. Գրիգոր Աղապալօղլու, քահանայից դասու անդամներ, հայատառ մամլոյ ներկայացուցիչներ, կրթական մշակներ եւ համայնքի մշակութասէր անդամներ։ Օրուան հանդիսավարներն էին Էսաեան վարժարանի հայերէնի ուսուցիչներ Արփէն Չընար եւ Նատին Պէրպէրեան։ Ողջոյնի խօսքով հանդէս եկաւ Տ. Յարութիւն Վարդապետը ըսելով. «Այսօր ուրախութիւնը ունինք, քանի պատմական ու հայաշունչ մեր սրահին մէջ յանձինս Տոկտ. Հրայր Ճէպէճեանի կը հիւրընկալենք անձ մը, որ ի սփիւռս աշխարհի ծանօթ դարձած է իր հոգեւոր ու մտաւոր աշխատութիւններով։ Սա առաջին նախաձեռնութիւնը չէ իր հաստափոր գիրքը ներկայացնելու համար հայկական մշակութասէր հասարակութեան։ Լոս Անճէլըսէ, Նիւ Եորքէ, Մոնթրէալէ, Լոնտոնէ եւ հայկական կարեւոր կեդրոններէ յետոյ հասած է կարգը պատմական առումով հայկական կարեւոր կեդրոններէն միոյն՝ այսինքն Պոլիսի։ Այսօր հանրութեան կը ներկայանայ հայկական զանազան հասարակութիւններուն ապրումներն ու փորձառութիւնները ներառելով Պոլսահայ կեանքին»։ Ապա սրտի խօսք արտասանեց Տ. Եզնիկ Արքեպիսկոպոսը եւ ներկայացուց Ճէպէճեանը, որպէս հաւատքի եւ մտքի մարդ։ Սրբազան Հայրը ըսաւ, որ Ճէպէճեան երկար տարիներէ ի վեր կը պաշտօնավարէ Ս. Գրոց Ընկերութեան մասնաճիւղերուն մէջ եւ այս աշխատանքային ժողովներու բերմամբ յատուկ ծանօթութիւն մշակած էր իրեն հետ։ «Ժամանակ» օրաթերթի գլխաւոր խմբագիր Արա Գօչունեան եւս արտայայտուեցաւ Ճէպէճեանին հայ մամուլին բերած նպաստը վեր առնելով եւ ըսաւ, որ Ճէպէճեան համահայկական արժէք մըն է եւ չեն կրնար զինքը միայն մէկ հաստատութեան հետ նոյնացնել։ Բայց ուրախութիւն է պարբերաբար ընթերցել իր իմաստալից յօդուածները եւ զանոնք փոխանցել ժողովուրդին հայ մամուլի ճամբով։ Ապա, «Ակօս» շաբաթաթերթի հայերէն բաժնի խմբագիր Բագրատ Էսթուքեան ներկայացուց Ճէպէճեանը, որպէս մտաւորական անձաւորութիւն։ Էսթուքեան ըսաւ, որ մտաւորական կը նշանակէ միտք յոգնեցնող անձնաւորութիւն եւ Ճէպէճեան լաւագոյն ձեւով կը կատարէ այս մէկը, հայկական համայնքներու առօրեային մասին հետաքրքրական գիտելիքներ փոխանցելով։ Սրտի խօսքերէն յետոյ բեմ բարձրացաւ Տքթ. Հրայր Ճէպէճեան եւ Էսաեան վարժարանի հանդիսավար ուսուցիչները իրեն հետ կատարեցին կենդանի զրոյց։ Ճէպէճեան նախ շնորհակալութիւն յայտնեց Պատրիարք Հօր՝ իր հովանաւորութեան համար, ինչպէս նաեւ Եզնիկ Արքեպիսկոպոսին՝ նախաձեռնութեան համար։ Յատուկ շնորհակալութիւն յայտնեց Տ. Յարութիւն Վարդապետին եւ իր առաջնորդութեամբ հանդիսութեան կազմակերպութեան մասնակցած Պէյօղլուի Թաղային Խորհուրդին, Էսաեան վարժարանին եւ Լուսաւորիչ Դպրաց Դասուն։ Անշուշտ թէ, տարբեր երկիրներու մէջ զանազան շնորհանդէսներ եղած էին, սակայն Պոլիսի մէջ կատարուածն ալ իր յատուկ նշանակութիւնը պիտի ունենար, քանի որ քաղաքը կը պահպանէ կարեւոր հայկական կեդրոններէն մին ըլլալու հանգամանքը։ Ճէպէճեան իրեն ուղղեալ հարցումներով ո՛չ միայն պարզապէս պատասխանեց, այլ նաեւ՝ բազմաշատ գիտելիքներ փոխանցեց ներկաներուն։ Թէ՛ կրօնական, թէ՛ ընկերաբանական, թէ՛ մշակութային, թէ՛ կրթական եւ տակաւին տարբեր բնագաւառներէ ներս իր անձնական փորձառութիւնները բաժնեց եւ ըսաւ, որ յոյսով պէտք է շարժիլ ամուր համայնքային կեանք մը վերահաստատելու համար։ Զրոյցի ընթացքին յատկապէս շեշտուեցան գիրքին մէջ լոյս տեսած «Մարմարա», «Ժամանակ» եւ «Ակօս» հայատառ թերթերու մասին ներկայացումներ, ինչպէս նաեւ Երանաշնորհ Շնորհք Պատրիարքի գրական վաստակի մասին մտորումներ։ Զրոյցի ընթացքին, Լուսաւորիչ Դպրաց Դասու անդամներ Մարալ Այվազ Չաղլըչուպուքճու մեներգեց «Օրօր»ը, իսկ Սէրճան Կազէրօղլուն «Մենք քաջ տոհմի զաւակներ ենք» երգը, իսկ աւարտին բեմ բարձրացաւ Լուսաւորիչ Դպրաց Դաս երգչախումբը, առաջնորդութեամբ Վարիչ Յակոբ Մամիկոնեանի։ Բոլոր երգերուն նուագակցութեամբ հանդէս եկաւ Պարետ Չաղլըչուպուքճու։ Երգչախումբի երկսեռ անդամները երգեցին «Սուրբ», «Հունձք» եւ «Օրհներգ»ը։ Հանդիսութեան հուսկ բանքը արտասանեց Պատրիարք Հայրը եւ գնահատեց Ճէպէճեանի գրական վաստակը։ Ըսաւ որ Ճէպէճեան Աստուածաշունչը լաւ իւրացուցած էր եւ իր մէջ տեսած՝ յոյսի գաղափարը եւ այս միոյն լոյսին տակ կ'արժեւորէր կրօնական, ազգային եւ համայնքային կեանքը։ Յայտնի էր որ այս կարճատեւ կեցութիւնը լաւ ազդեցութիւն թողած էր մեծարեալին մօտ եւ յաջորդիւ այլ առիթներ եւս պիտի ըլլային զինքը հիւրընկալելու եւ իր փորձառութիւնը լսելու համար։ Խօսքերու վերջաւորութեան, Նորին Ամենապատուութիւնը մեծարեալին մաղթեց ամենայն բարիք ու նորանոր ձեռքբերումներ։ Երեկոյի աւարտին հասաւ միասնաբար երգուած Տէրունական Աղօթքով։ Հուսկ. ներկաներ հիւրասիրուեցան Պէյօղլուի Թաղային Խորհուրդի կողմէ պատրաստուած սեղաններու շուրջ։

Ճար­տա­րա­գի­տա­կան մար­զէն ներս ա­ւե­լի քան 200 գիւ­տե­րու հե­ղի­նա­կա­յին ի­րա­ւուն­քը կը պատ­կա­նի ­Լու­տեր ­Սիմ­ճեա­նի։ հա­յազ­գի ­Ճորճ ­Սիմ­ճեա­նին, ան հե­ղի­նակ է ա­ւե­լի քան եր­կու հա­րիւր ար­տօ­նա­գիր­նե­րու եւ բազ­մա­թիւ սար­քե­րու, ո­րոնց­մէ այ­սօր ա­մե­նա­տա­րա­ծո­ւա­ծը՝ դրա­մա­բաշ­խիչ մե­քե­նան է (Automated Teller Machine — ATM) եւ հե­ռա­յու­շա­րա­րը, որ կը գոր­ծա­ծո­ւի յատ­կա­պէս հե­ռա­տե­սի­լի խօս­նակ­նե­րու եւ այլ մար­դոց հե­ռա­տե­սի­լա­յին ե­լոյթ­նե­րու ըն­թաց­քին»: Հաղորդումը եւ տեսագրութիւնը պատրաստեց Շաքէ Մանկասարեանը: www.radioayk.com

ՎԵՐՅԻՇԵՆՔ «ԱՐԱՐԱՏ»Ի ԵՐԱԽՏԱԳՈՐԾՆԵՐԸ ԵՐԿԱՐԱՄԵԱՅ ԽՄԲԱԳԻՐ ԺԻՐԱՅՐ ՆԱՅԻՐԻԻ https://araraddaily.com/archives/54176 Հաղորդումը պատրաստեց եւ ներկայացուց Շաքէ Մանկասարեանը: Հաղորդման եւ տեսագրութեան մէջ կատարած մէջբերումներս շնորհիւ պեղումներուս եւ սիրալիր ու ազգանուէր աշխատանքի մը գնահատանքն է ի տես մեր բոլոր երախտաշատ հայու արժանիքները միշտ բարձր պահելու միտումով եւ համոզումով: Ռատիո ԱՅԳ-ի գործունէութիւնը նիւթական շահեր չունի եւ կը ծառայէ անկախ 2011 թուականէն ի վեր: Յաջողութիւններ բոլորիս: Շաքէ Մանկասարեան Ռատիո Այգ-ի հիմնադիր եւ արտօնատէր www.radioayk.com