top of page
Բարի Գալուստ
Ծաղիկով Կարկանդակ
Բաղադրութիւններ
5 հաւկիթ
1 գաւաթ շաքար
1 բագէթ կարագ
1ճաշի դգալ քացախ
3 թէյի դգալ B.P.
4-5 գաւաթ ալիւր
Քրէմայի
4 հաւկիթի դեղնուց
1 գաւաթ շաքար
3 ճաշի դգալ օսլա (նիշէ)
4 գաւաթ կաթ
1 բագէթ վանել
լեմոն քերթուք
200 կրամ կարագ
Ծաղիկով Կարկանդակ
Կարկանդակի պատրաստութիւն
- Հաւկիթը եւ շաքարը զարնել, աւելցնել կակուղցած կարագը, քացախը, ալիւրը, B.P. եւ շաղել:
- Խմորէն փոքր գունդ մը առնել, մէջը քիչ մը ալիւր աւելցնել եւ օգտագործել զարդարանքի համար ծաղիկներ պատրաստելու:
- Մնացեալ խմորը 4 գունդի վերածել, բանալ խմորը առանձին-առանձին, եփել իւղոտած եւ ալիւր ցանուած մոմէ թուղթի վրայ, կլոր ափսէյի մէջ:
- Պաղելէ ետք քրէման քսել եւ իրարու միացնել վրան քրէմայով պատել, տաշուած շոքօլա ցանել եւ ծաղիկներով զարդարել:
Քրէմայի պատրաստութիւն
- Վերոյիշեալ նիւթերը միատեղ եփել անդադար խառնելով, կրակը մարելէ ետք աւելցնել վանելը եւ լէմոնի քերթուքը:
- Պաղելէ վերջ աւելցնել զարնուած կարագը եւ գործիքով շարունակել զարնել, մինչեւ որ ողորկ քրէմ մը ստացուի:
- Յիշեալով պատել կարկանդակի շերտերը, երեսը եւ շուրջը:
bottom of page